Drejtori i Teatrit të Bylisit, Klajdi Marku ka dhënë dorëheqjen nga detyra që mbante pasi doli zbuluar se kishte shkuar pa dëshirën e tij në mitingun e Edi Ramës në Greqi. Ditën e djeshme doli një pjesë e investigimit të Piranjëve, ku Marku me zë dhe me figurë tregonte se prezencën e tyre në tubim duhet që ta vërtetonin me një foto në rrjetet sociale, por theksoi se e beri këtë vetëm për të marrë rrogën në fund të muajit.
Por në një video të publikuar ditën e sotme drejtori i teatrit Bylis, shtrembëroi atë që tha në miting dhe tha se ata ishin prezent me trupën e aktivitetit në Korinth për të dhënë shfaqje në datën 11 maj, por grupi i kishte kërkuar drejtorit të ishin pjesë në aktivitet dhe kanë shkuar.
“Duke marrë shkasë nga një video e publikuar në rrjetet sociale ndjej një detyrim personal dhe moral për të dhënë një shpjegim për të gjitha mediat. Në takimin e kryeministrit të vendit Edi Rama në Athinë më 12 maj, është e vërtetë që kam qenë i pranishëm dhe nuk e fsheh krenarinë që kam qenë pjesë e takimit mbarë kombëtarë dhe dhe rastësisht. Sqaroj sot për të gjitha mediat, opinionin publik, miqtë dhe të gjithë ata që tentojnë ta përdorin politikisht bisedën time me një të panjohur. Por kam qenë me trupën pjesëmarrës në aktivitet në Korinth, ku kemi dhënë shfaqje në datën 11 maj. Në datën 12 meqenëse grupi donte të shikonte aktivitetin, shkuam” tha ai.
Investigimi i emisionit Piranjat ka sjell me fakte punonjësit e drejtorat e administratës publike në mitingun e Ramës në Greqi. Një pjesë e emisionit që u bë publike ditën e djeshme, del me zë dhe me figurë drejtori i teatrit “Bylis” të Fierit, Klajdi Marku, i cili ka shprehur hapur pakënaqësitë e tij për të qenë prezent në mitingun e Ramës në Greqi. Gjatë bisedës me gazetarin e Piranjave, Marku tregon se e gjithë administrata është urdhëruar që të shkojnë në Athinë, dhe se në Fier nuk ka ngelur asnjë njeri pa shkuar. Ndërkohë që më tej i vetëdijëshëm tregon se prezencën e tyre duhet që ta vërtetonin me një foto në rrjetet sociale, por theksoi se e beri këtë vetëm për të marrë rrogën në fund të muajit.
