Teksa bën një urim për Vitin e ri, ish-kryeministri Sali Berisha tha se ky vit që po shkon do hyjë në histori si viti i dytë u tradhtisë kombëtare.
Sipas Berishës minishengeni është një thikë pas shpine e kryeministrit Edi Rama ndaj Kosovës.
Berisha u shpeh se Rama solli fantazmën e Serbisë së madhe në Tiranë në krah të padronit të tij Alekandër Vuçiç.
“Ky vit do hyjë në historinë kombëtare si viti i dytë i tradhtisë së madhe nga Tirana zyrtare e shqiptarëve të Kosovës dhe çështjes shqiptare në tërësi, ky tradhtar këtë vit, Esat Toptani i ri u angazhua me të gjithë forcën e një shteti për copëtimin e territorit të Kosovës dhe pasi dështoi si faqezi në samitin e Berlinit ndërmori si Vasali i Beogradit përsëri nismën antikombëtare të Jugosllavisë së re nën emrin maskë minishengen.
Kurse Kosovës i futi thikën me të thellë prapa shpine.
Në një akt të hapur antishqiptar, antikombëtar solli fantazmën e Serbisë së madhe në Tiranë në krah të padronit të tij. Ndërmori sulmet me të egra ndaj udhëheqjes politike në Kosovë duke dëshmuar se ishte një skllav i Beogradit”, tha Berisha.
