Autoritetet portugeze kanë kërkuar ndihmë europiane për të përballuar situatën e krijuar si pasojë e zjarreve në zonën e Madeira.
Zjarret në ishullin turistik vijojnë prej të martës dhe sipas përllogaritjeve paraprake më shumë se 43 mijë hektarë pyje dhe shkurre janë tashmë të shkrumbuara.
“Ne do të aktivizojmë mekanizmin evropian të mbrojtjes civile në orët e ardhshme në mënyrë që dy avionë Canadair të mund të vijnë për të ndihmuar në përballimin e kësaj situata”, bëri me dije një burim nga qeveria portugeze.
Erërat e forta kanë ndihmuar në përhapjen e zjarrit dhe gjithashtu shkaktuan probleme serioze në lëvizjen e avionëve në Madeira, si pasojë e të cilave turistët u bllokuan në ishull.
Flakët kanë arritur pranë pyllit tropikal të Madeira, i përfshirë në listën e trashëgimisë botërore të UNESCO.
