Dy aksidente të rënda të ndodhura të dielën, 15 qershor, ku janë dëmtuar dy turistë. Njëri belg e tjetri gjerman…
Sot, 16 qershor, Policia ka vënë në pranga dy persona për secilin nga rastet, të ndodhura në Gjipe e te Shkëmbi i Kavajës.
Është arrestuar për “shkelje të rregullave të mbrojtjes në punë” dhe “veprime që pengojnë zbulimin e së vërtetës” një 51 vjeçar nga Tirana. Ky i fundit i dha me qira Jet Ski-në, turistit belg, i cili ndodhet ende në spital.
Nga ana tjetër, është vënë në pranga drejtuesi i gomones që goditi turistin gjerman në Gjirin e Gjipesë, në Himarë.
Sipas policisë, drejtuesi i gomones, K.V. 27 vjeç, banues në Orikum, e ka mjetin lundrues me dokumentacion të rregullt dhe po lundronte jashtë zonës së sigurisë në një distancë të konsiderueshme nga zona e lejuar e notimit. Ai është arrestuar në flagrancë, për “plagosje e rëndë me dashje”.
Ndërkohë, turisti gjerman ndodhet nën kujdesin e mjekëve te Spitali i Traumës.
