Eoghan McCabe, CEO dhe themelues i Intercom, ka ofruar 500,000 dollarë për të krijuar një mural me imazhin e Irina Zarutskayas, gruas ukrainase, vrasja e së cilës tronditi botën.
“Po ofroj 500,000 dollarë për të pikturuar murale të Irina Zarutskayas në vende të shquara në qytetet amerikane”, tha McCabe.
Ai i inkurajoi ata që duan të marrin pjesë në iniciativë ose të dhurojnë para të kontaktojnë shefen e stafit të tij, Katie Brenske Tolstedt.
Njoftimi i McCabe tërhoqi vëmendjen e njeriut më të pasur në botë, Elon Musk, i cili ofroi 1 milion dollarë për muralin.
Musk më parë ka qenë i zëshëm për rastin, veçanërisht mbulimin mediatik të vrasjes dhe reagimin e publikut.
Një person i përfshirë në iniciativë konfirmoi se negociatat janë duke u zhvilluar me më shumë se 1,000 artistë në të gjithë vendin dhe një kërkim për vendet e duhura për muralet është duke u zhvilluar.
Ndryshe, Irina Zarutska, 23 vjeç, u vra në një sulm të paprovokuar në një tren muajin e kaluar.
Vdekja e saj shkaktoi një debat të gjerë rreth sistemit amerikan të drejtësisë dhe krimit në qytetet amerikane.
