Në fjalën e tij në ceremoninë e homazheve, kryeministri Edi Rama ka vlerësuar figurën e të ndjerit si dhe ka “sulmuar” të gjithë ata që e luftuan në jetën e tij politike ndërsa pas lajmit të ndarjes nga jeta të liderit historik, i “qëndisën” fjalë ngushëllimi.
Edi Rama: I thonë një fjale vdis pa të të dua. Sa do të doja të uleshim në një nga ato darkat e rralla të viteve të fundit në ajrin e pastruar mes nesh. Po sa të paskan dashur e admiruar. Dhe ata që s’të lanë shkop në rrota pa të bënë dhe gur pa të hedhur mezi paskëshin pritur ta tregonin adhurimin sapo morën vesh që nuk do t’i hapje më sytë.
Plasja më vjen që s’jemi dot sonte për një darkë që nuk kishte të paguar. Në vend që të qeshja ca me ty sonte mua më duhet të rendis fjalët e një lamtumire që nuk e imagjonova dot as kur miku ynë Solis që më shkroi se kishe hyrë në një koma të parezistueshme.
Mendova gruan tënde Xhoin, por jo ty të shtrirë në një arkëmort për të ikur nga kjo jetë që e deshe dhe e jetove deri në fund.
