Shtetet e Bashkuara i kanë kërkuar Presidentit Volodymyr Zelenskyt që të pranojë planin e paqes që përfshin heqjen dorë nga disa territore, armatimet si dhe uljen e madhësisë së forcave të armatosura të Ukrainës.
Ashtu siç raporton Reuters, dy burime të njohura me çështjen, të cilat kërkuan të mos identifikohen për shkak të ndjeshmërisë së temës, thanë se propozimet përfshijnë zvogëlimin e e madhësisë së ushtrisë ukrainase.
Një zyrtar i lartë ukrainas i tha më herët Reuters se Ukraina nuk ka pasur asnjë rol në hartimin e këtij plani.
Gjithashtu të mërkurën, Sekretari i Ushtrisë Amerikane Dan Driscoll dhe gjeneralët e lartë amerikanë mbërritën në Kiev, ndërsa Zelensky u takua me Presidentin turk Recep Tayyip Erdogan në Ankara. Zelensky do të kthehet nga Ankaraja për të takuar delegacionin amerikan të enjten.
Shefi i zyrës së Reuters në Moskë, Guy Faulconbridge, raportoi më herët se i Dërguari Special i Presidentit amerikan Donald Trump, Steve Ëitkoff, do të bashkohej me Zelenskyn dhe Erdoganin në Ankara – por Ëitkoff nuk mori pjesë në takimin midis dy liderëve.
Witkoff thuhet se ka marrë udhëheqjen në hartimin e planit, së bashku me të dërguarin rus Kirill Dmitriev.
Plani thuhet se është bazuar në parimet e vendosura në samitin midis Trump dhe Presidentit rus Vladimir Putin në Alaskë më herët këtë vit, ku fokusohet në katër tema kryesore: paqja në Ukrainë, garancitë e sigurisë, siguria evropiane dhe marrëdhëniet e ardhshme të SHBA-së me Rusinë dhe Ukrainën.
Për Ukrainën, kjo do të nënkuptonte heqje dorë nga territoret, kontrolli mbi rreth 19% të territorit ukrainas, kryesisht në Donbas dhe Krime, do të njihej si rus, duke legalizuar fitimet territoriale të Moskës.
Kufizime në armatime; Heqja dorë nga disa lloje armësh, duke përfshirë mundësisht raketa të avancuara si ATACMS ose sisteme ajrore të sofistikuara.
Ulje e forcave të armatosura: Reduktimi i madhësisë së ushtrisë ukrainase në gjysmë ose më shumë, për të parandaluar një kërcënim të ardhshëm ndaj Rusisë.
