Një 21-vjeçar shqiptar u arrestua në Bolonja nga policia italiane për akuzën e trafikut të kokainës, teksa gjatë kontrollit iu gjetën përveç sasisë së drogës edhe 23 mijë euro cash.
Aksioni u krye në lagjen “Panigale”, ku i riu u pikas teksa bënte lëvizje të dyshimta. Njësia hetimore vendosi ta vinte nën ushtrim kontrolli fizik dhe karabinierët ndaluan. Ai lëvizte kryesisht duke përdorur një biçikletë elektrike, me të cilën bënte edhe shpërndarjen e mallit tek përdoruesit.
Pasi u lokalizua, 21-vjeçari tregoi shenja agresioni dhe nervozizmi në sytë e forcave të rendit. Ai iu nënshtrua një kontrolli personal. Gjatë kontrollit, karabinierët gjetën 18 pako me kokainë të fshehura në xhepat e tij, së bashku me 450 euro në para të gatshme.
I dyshuari, një i papunë , nuk ishte në gjendje të jepte një shpjegim të besueshëm në lidhje me burimin e parave.
Operacionet e kontrollit vazhduan më pas në një apartament aty pranë, i cili u gjet se ishte i banuar nga 21-vjeçari. Brenda shtëpisë, oficerët zbuluan dhe sekuestruan 22,410 euro në kartëmonedha me prerje të ndryshme, të cilat besohet të jenë të fituara nga trafiku i drogës.
Si provë u sekuestrua edhe lënda narkotike, teksa hetimet po vijojnë për të zbuluar rrjetin e bashkëpunëtorëve, informon media italiane.
Me urdhër të Prokurorit Publik në detyrë në Zyrën e Prokurorit Publik të Bolonjës, autori i dyshuar i krimit u dërgua në Gjykatën e Bolonjës, për një proces të përshpejtuar.
Megjithatë, seanca u shty fillimisht dhe më pas masa e sigurisë u zbut, duke vendosur ndjekjen në gjendje të lirë të shqiptarit.
