Pesë oficerë të imigracionit në Mbretërinë e Bashkuar kanë mohuar para gjykatës se kanë marrë para dhe objekte të vlefshme nga migrantët që mbërrinin me anije të vogla në Angli ndërmjet vitit 2021 dhe 2022.
Sipas prokurorëve, oficerët punonin në një njësi të krijuar për të përballuar fluksin e migrantëve që kalonin Kanalin nga Franca në Britani. Gjatë përpunimit të migrantëve në pikat e mbërritjes në Dover, ata dyshohen se keqpërdornin detyrën e tyre për të marrë para dhe sende personale që u përkisnin njerëzve të sapoardhur. Shuma e përgjithshme e parave dhe pronave të dyshuara se janë marrë kapet “në qindra mijëra paund”.
Pesë prej tyre janë akuzuar për bashkëpunim për vjedhje, keqpërdorim të detyrës publike dhe pasterim parash. Një i gjashti, gjithashtu pjesë e grupit, është akuzuar vetëm për pastrim parash. Të gjithë kanë mohuar akuzat para Southwark Crown Court në Londër.
Një nga oficerët, Besmir Matera, përballet edhe me akuza të tjera për paraqitje të rreme të të dhënave personale në kërkesat e tij për qëndrim në Britani në fillim të viteve 2000, të cilat ai gjithashtu i mohon.
Gjykata caktoi një datë të përkohshme për gjyq më 17 Janar 2028, dhe të akuzuarit janë lënë në lirë me kusht derisa procesi të zhvillohet.
