Në raportin e organizatës amerikane, Freedon House Maqedonia e Veriut ka pasur përmirësim prej 4 pikësh, nga 59 në 63 falë zgjedhjeve presidenciale, përmirësimit të gjendjes së medias dhe situatës së sigurisë.
Megjithatë akoma vazhdon të mbetet shtet me demokraci të pjesshme. Nga vendet e rajonit, përmirësim vitin e kaluar ka pasur Kosova me fitoren e Vetëvendosjes, e cila pritet të ndryshojë kulturën e korrupsionit.
Bosnja e Hercegovina nuk ka pasur asnjë ndryshim, ndërsa rënie të lirisë është shënuar në Shqipëri, Serbi dhe Mal të Zi.
Në përgjithësi, raporti ka konstatuar përkeqësim të të drejtave politike dhe civile dhe rënie të demokracive për të 14 vite me radhë.
Nga 195 shtetet në botë, 83 janë të lira, 63 pjesërisht të lira dhe 49 jo të lira./Alsat/
