Më shumë se 200 shkencëtarë i kanë shkruar qeverisë duke u kërkuar atyre të vendosin masa më të ashpra për të luftuar përhapjen e Covid-19.
Në një letër të hapur, 229 specialistë në disiplina duke filluar nga matematika në gjenetikë – megjithëse asnjë ekspert kryesor në shkencën e përhapjes së sëmundjeve – thonë se qasja e tanishme e Mbretërisë së Bashkuar do ta vendos NHS nën stres shtesë dhe “rrezikon shumë më shumë jetë sesa është e nevojshme” . Nënshkruesit kritikuan gjithashtu komentet e bëra nga Sir Patrick Vallance, këshilltari kryesor shkencor i qeverisë, për menaxhimin e përhapjes së infeksionit për ta bërë popullsinë imun.
Departamenti i Shëndetësisë tha që komentet e Sir Patrick ishin keq interpretuar.
Shkencëtarët – të gjithë nga universitetet në Mbretërinë e Bashkuar – gjithashtu vunë në pikëpyetje mendimin e qeverisë se njerëzit do të ngopeshin me kufizime nëse do të imponoheshin shumë shpejt.
Letra e tyre u botua në ditën kur u njoftua 10 njerëz të tjerë në MB kanë vdekur pasi testuan pozitivisht për koronavirus, duke e çuar numrin e përgjithshëm të vdekjeve në 21.
Ndërkohë, grupi këshillimor shkencor i qeverisë për emergjencat (Sage) këshilloi që masat për të mbrojtur njerëzit e cenueshëm – përfshirë izolimin shtëpiak – “do të duhet të zbatohen së shpejti”.
