Tirana vijon shtetrrethimin si masë shtrënguese për të parandaluar përhapjen e koronavirusit COVID-19, I cili deri tani ka shkaktuar 2 viktima dhe 51 të infektuar. Pak njerëz janë nëpër rrugë me maska e dorashka. Ata që dalin thonë se janë të detyruar ndërsa nuk e fshehin frikën për ditët që po jetojmë.
Shumë qytetarë shprehin dhe shqetësim se në këto kohë ka një rritje drastike të çmimesh edhe pse me aktin normative të 15 marsit rritja e çmimeve dënohet me gjobë dero dhe në mbyllje të veprimtarisë.
“Ka një rritje drastike çmimesh në produkte jetike për qytetarët në këtë kohë që po kalojmë. Është kriminale të rriten çmimet deri në këtë masë, tmerr, trishtim. Strukturat shtetëtore të monitorojnë furnizuesit ” thotë një qytetar.
Ndërsa tregtarët e vegjël problemin e shohin tek tregtarët e shumicës.
Kronika u përgatit nga gazetarja Marjana Legisi për emisionin “Tempora”
Pika 12 e aktit normativ të 15 marsit
Rritja e çmimit të shitjes të të gjitha mallrave dhe produkteve ushqimore, barnave, pajisjeve mjekësore dhe shërbimeve, në krahasim me çmimin e tyre në shitje të rregullt, të tregtuar në muajt paraardhës nga data e hyrjes në fuqi të këtij akti normativ, dhe për produktet sezonale, sipas çmimit të tregtuar në të njëjtën periudhë kohore në vitin paraardhës nga data e hyrjes në fuqi të këtij akti normativ, kur nuk vjen si pasojë e rritjes së çmimit nga importi i tyre, dënohet me gjobë në masën 5 000 000 (pesë milionë) lekë për tregtuesit me shumicë dhe 100 000 (njëqind mijë) lekë për tregtuesit me pakicë. Në rast përsëritjeje iu shtohet edhe mbyllja e veprimtarisë për një periudhë 6-mujore./Oranews/
