Sulmi me bombë ndaj trenit në Pakistan la të paktën 24 të vdekur dhe dhjetëra të plagosur në provincën e trazuar të Balochistanit. Sulmi ndodhi pranë qytetit Quetta, kur një tren që transportonte personel ushtarak dhe familjet e tyre u godit nga një shpërthim i fuqishëm, duke shkaktuar daljen nga shinat të disa vagonëve dhe zjarr.
Grupi separatist “Baloch Liberation Army” (BLA) mori përgjegjësinë për sulmin, duke deklaruar se ishte një sulm vetëvrasës me makinë-bombë. Autoritetet pakistaneze thanë se mbi 70 persona janë plagosur dhe disa janë në gjendje kritike.
Kryeministri i Pakistanit, Shehbaz Sharif, e dënoi sulmin dhe premtoi vazhdimin e luftës kundër terrorizmit. Balochistani ka qenë prej kohësh zonë konfliktesh mes forcave shtetërore dhe grupeve separatiste që kërkojnë pavarësi.
