Kenneth Iwamasa, ish-asistenti personal i aktorit Matthew Perry, është dënuar me 41 muaj burg federal për përfshirjen në rastin e vdekjes së yllit të serialit “Friends”.
Sipas prokurorëve amerikanë, Iwamasa i injektoi Perry-t doza ketamine pa trajnim mjekësor, përfshirë edhe ditën kur aktori ndërroi jetë në tetor 2023. Ai pranoi fajësinë për komplot në shpërndarjen e ketaminës që çoi në vdekjen e aktorit.
Gjykata në Los Angeles e dënoi me:
- 3 vite e 5 muaj burg,
- dy vite mbikëqyrje pas lirimit,
- dhe gjobë financiare mbi 10 mijë dollarë.
Hetimet zbuluan se Iwamasa kishte administruar disa injeksione me ketaminë në ditët e fundit të Perry-t dhe më pas tentoi të fshinte prova pas vdekjes së aktorit.
Në total, pesë persona janë dënuar në lidhje me rastin e vdekjes së Matthew Perry, përfshirë mjekë dhe furnizues droge të njohur si “Ketamine Queen”.
