Edinburgh do të bëhet qyteti i parë në Mbretërinë e Bashkuar që vendos ndalim të plotë të përdorimit të telefonave mobil në të gjitha shkollat e tij.
Komiteti i arsimit i këshillit të qytetit ka miratuar një politikë të quajtur “bell-to-bell” (nga zilja e mëngjesit deri në fund të ditës së shkollës), sipas së cilës nxënësit e shkollave të mesme do të duhet t’i vendosin telefonat në pouches (qese/mbajtëse të kyçura) gjatë gjithë ditës së shkollës.
Në shkollat fillore, nxënësit do t’i lënë telefonat në dollapë të sigurt.
Ky vendim vjen pas pilotimeve në dy shkolla të mesme të qytetit, ku kufizimet janë testuar më parë dhe kanë dhënë rezultate pozitive. Po ashtu, një konsultim i gjerë tregoi mbështetje të madhe: shumica e mësuesve, prindërve dhe një pjesë e nxënësve janë në favor të kufizimeve.
Qëllimi i këtij ndalimi është krijimi i një mjedisi mësimor pa shpërqendrime dhe përmirësimi i mirëqenies së fëmijëve. Autoritetet thonë se telefonat shpesh shkaktojnë shpërqendrim në klasë dhe ndikojnë negativisht në përqendrim.
Qeveria lokale ka ndarë rreth 400,000 paund për blerjen e qeseve të mbyllshme për telefonat dhe udhëzime të mëtejshme do të përgatiten për zbatimin e rregullave.
Ekzistojnë edhe disa përjashtime të kufizuara, për shembull për nxënës me nevoja shëndetësore ose përgjegjësi kujdesi.
Zyrtarët e qytetit thonë se kjo është një hap i rëndësishëm drejt shkollave më të fokusuara dhe më të shëndetshme për nxënësit.
