Kina është ankuar ndaj Bashkimit Evropian të paktën tre herë dhe paralajmëroi se marrëdhëniet bilaterale do të goditeshin nëse BE e akuzon atë publikisht, për propagandë në menaxhimin e krizës së koronaviusit.
Qeveria komuniste bëri një ankesë javën e kaluar pasi dolën detajet e një raporti të brendshëm të BE-së, që sillte prova kundër Pekinit. Sipas tyre, ishin përdorur “taktikat të fshehta” në një “fushatë dezinformuese globale” për të shmangur fajin e saj në përhapjen e pandemisë.
BE publikoi disa elemente të raportit të premten. Paralajmërimet nga Pekini erdhën pasi organizata e lajmeve Politico raportoi fragmente nga raporti i BE-së të martën. Një ankesë u bë në selinë e shërbimit diplomatik të BE-së në Bruksel dhe dy ankesa nga ministria e jashtme kineze në Pekin, thanë zyrtarët evropianë.
Wang Lutong, drejtori i përgjithshëm i ministrisë së jashtme kineze për Evropën, në një deklaratë mohoi që Kina po përhapte dezinformata dhe tha se ai ishte i alarmuar nga raportet që blloku evropian ishte gati të lëshonte duke kritikuar vendin e tij.
Ai tha se nëse BE do të ndiqte shembullin SH.B.A.-së me sulme publike kundër Kinës, do t’ia kthenin me të njëjtën monedhë siç kishin bërë me SHBA-në, duke shtuar se kjo do të ishte për të ardhur keq.
Z. Chapuis u përgjigj se ishte detyrë e BE-së që të dokumentojë disinformimin nga Kina dhe vendet e tjera, duke shtuar se një aktivitet i tillë duhet të kundërshtohet dhe të ndalet, thanë zyrtarët evropianë.
Yang Xiaoguang, një specialist i Evropës në ministrinë e jashtme kineze, kishte paralajmëruar ambasadën e BE-së në Pekin kundër botimit të konkluzioneve të dokumentit të dezinformimit. Yang tha që botimi do të dëmtonte rëndë bashkëpunimin BE-Kinë dhe do ta bënte Pekinin “shumë të zhgënjyer” dhe “shumë të zemëruar”, thanë zyrtarët evropianë të njohur me përmbajtjen e shënimit.
Ministria e jashtme kineze nuk i’u përgjigj kërkesës për një koment. Mikko Huotari, drejtor ekzekutiv i Institutit Mercator për Studime Kineze, tha se pandemia tregoi se si vepron propagnda e Pekinit. “Ata kanë muaj dhe vite që i bëjnë këto veprime dhe tashmë po përpiqen në maksimum dhe me gjithcka kanë” tha ai. “Ata nuk tolerojnë asnjë kritikë.” / bota.al
