1 qershori data më realiste
Rihapja e shkollave në Angli pritet të bëhet në “faza”, tha Sekretari i Arsimit Gavin Williamson. Ai i tha Komisionit të Arsimit se data e hapjes do të varet nga këshillat shkencore – por shkollat do të merrnin “sa më shumë njoftime të jetë e mundur”.
Por, kur nxënësit do të mund të fillojnë të kthehen, kjo mund të jetë për disa grupe të vitit.
“Nuk do të ishte realiste nëse të gjithë nxënësit do të ktheheshin në shkollë që ditën e parë” u tha ai deputetëve.
Me shkollat e mbyllura nga shpërthimi i koronavirusit, sekretari i arsimit u përball me pyetje mbi oraret kohore për rihapjen dhe mënyrën e mbështetjes së nxënësve me aftësi të veçanta, ndërsa ishte menduar se do të mësonin online nga shtëpia.
Por javën e kaluar, Geoff Barton, drejtuesi i sindikatës së drejtuesve të ASCL sugjeroi që klasat 6, 10 dhe 12 mund të ktheheshin të parat, dhe data më e hershme dhe realiste është 1 qershori.
Është i domosdoshëm kufiri në numrin e nxënësve në shkollë për të mbajtur distancën sociale, tha drejtuesi Barton. Kjo do të thotë se vetëm disa grupe klasash do të jenë në shkolla dhe grupe nxënësish që do të kenë mundësinë e studimeve në shtëpi dhe në shkollë. (BBC)
