Ka nisur takimi mes palëve për të arritur marrëveshje për reformën zgjedhore. Damian Gjiknuri i PS-së, Oerd Bylykbashi e Petrit Vasili i PD/LSI-së si dhe përfaqësuesja e opozitës parlamentare Rudina Hajdari, kanë mbërritur në dyert e pallatit të Kongreseve në Tiranë, teksa kjo e dielë shënon dhe fundin e afatit që palët i kanë vënë vetes për të arritur në një produkt të përbashkët.
Takimi ishte parashikuar në orën 17:00, por në mënyrë të pashpjeguar, mbledhja u shty për dy orë.
Kujtojmë se deri më tani PD-LSI, maxhoranca dhe opozita parlamentare ende nuk e kanë arritur konsensusin në 3 çështje.
Tre pika janë barrierat që po ndajnë palët nga marrëveshja, depolitizimi i administratës, teknologjia në zgjedhje si dhe ndryshimi i sistemit zgjedhor.
Për dy të parat ka një përplasje mazhorancë- opozitë, kurse për sistemin më shumë ngulmon Rudina Hajdari e opozitës parlamentare.
