Një grup nga përfaqësia e mjekëve zhvilloi një takim me Ministren e Shëndetësisë, Ogerta Manastirliu dhe ekspertë të shëndetësisë për t’i paraqitur 4 kërkesat e tyre.
Pas takimit, ata u shprehën se juristët e të dyja palëve do të merren me draftin përfundimtar.
”Të dyja së bashku kemi lënë juristët me qëllim që të krijohet një draft përfundimtar dhe pastaj të miratohet. U vendosën disa piketa për vendosjen e këtyre grupeve që ne kemi vendosur për 4 pikat. U la që dita e hënë të jetë nominale emrat e grupeve nga ana jonë, që më pas të vazhdohet procedura.”
Thonë se rritja e pagës me 40% sikruse e ka premtuar qeveria, është vetëm njëra prej pikave.
Sipas tyre, mjekët në vendet janë më pak të paguarit në rajon.
”Ne nuk jemi te 40%, ne kemi argumentime të tjera, si për shembull, jemi vendi me pagesën më të ulët në rajon. Kjo është vetëm një nga pikat. Mund të rritet 40%, por pse jo 41%? Duhet të diskutohet dhe të ketë argumente. Një prej pikave është edhe Kosova, pasi edhe ata janë në luftë si ne.”
Sipas tyre, mjekët kanë nivel të lartë jetese, dhe se do jenë gati për të filluar bisedimet kur juristët të përfundojnë draftin.
”Kemi një nivele jetese. Sot vendosëm vetëm se çfarë do bëhet nga e hëna e tutje, për këto lloj kërkesash. Drafti jonë do ballafaqohet me draftin e tyre. Në momentin që juristët janë gati ne do të vazhdojmë. Ne pretendojmë që të marrim sa më shumë por varet nga mundësitë.”
