Kryeministri shqiptar Edi Rama gjatë vizitës në Gjermani ka kërkuar nga investitorët e huaj që të vijnë në shqipëri për të investuar.
Në forumin ekonomik “Europa Park”, kreu i qeverisë nënvizoi të gjitha politikat lehtësuese në vendin tonë për investitorët gjerman, pa harrur edhe fondin e akorduar nga KE për investimet në rajon.
“Shqipëria ka një politikë shumë të mirë për investimet e huaj. Burimet natyrore janë mjaft të favorshme. Kostot e punës janë mjaft të favorshme. KE premtoi 29 mld euro investime në rajon në energji, infrastruktutreë dhe digjitalizim. Mundësi mjaft e mirë për të investuar për të ndërtuar autostrada dhe hekurudha. Shpresojmë që të gjejmë mënyra me qeverinë dhe kompanitë gjermane për të zbatuar këtë plan”, tha Rama.
Nuk ka krim shqiptar, tha Rama gjatë fjalës së tij, këto janë vetëm politika dashakeqësese të disa shteteve anëtare të BE.
Sipas tij Shqipëria është një vend i sigurt për të investuar.
“Nuk ka krim shqiptar, krimi i organiazuar është ndërkombëtar. Nuk ka vetëm një person kriminal shqiptar që nuk ka të paktën 4 kode numrash, në Gjermani, Hollandë, etj. Si është e mundur që shërbimet sekretë në Be nuk i ndajnë këto të dhëna. Shqiptarët në Holandë janë bërë gjëja më e keqe. Kjo është e mirë për politikën por nuk është e vërtetë.Ejani vizitoni shqipërinë, është larg 1 orë e ca minuta, për të huajt është vendi më i sigurt në Evropë”, deklaroi ai.
Madje, sipas Ramës, problemet e brendshme të Europës kanë bërë “kurban” edhe integrimin e Shqipërisë.
“Të vritesh nga rrjetet sociale dhe nga gazetat nuk mendoj se është burimi për të projektuar të ardhmen. Ne jemi të dashuruar verbërisht me BE. evropa thotë se do të martohet me ne, po a mund të martohesh me dike që nuk flet. Si mund të martohesh me dikë që nuk i flet. Negociatat janë shumë të rëndësishme për t’u anëtarësuar, por ti provosh vendet nga kjo është e pakuptimtë”, deklaroi kryeministri Rama.
Për të argumentuar arsyetimin e tij zbuloi edhe një pjesë të diskutimeve të bëra më herët me Presidentin francez.
“Macron më ka përsëritur shpesh që nëse biem dakord për çeljen e negociatave me Shqipërinë kjo nuk do jetë e lehtë për shkak të Marinë le Pen. Problemet e brendshme të tyrë po na mbajnë peng integrimin e shqipërisë. Por nuk e thonë publikisht I thashë përse nuk e thoni, ‘djema ne ju duam, na pëlqeni por duhet të lyejmë shtëpinë njëherë”, pohoi Rama.
Në fund të fjalës së tij Kryeministri kishte edhe një thirrje për BE, që të gjejnë një mënyrë që t’i hapin rrugën Shqipërisë për të shkuar drejt konferencës së parë ndërqeveritare.
