Boksieri shqiptar nga Lugina e Preshevës, Shefat Isufi nuk ka arritur të shënojë fitore ndaj britanikut Billy Joe Saunders, për titullin e më të mirit të botës.
Ndeshja u zhvillohet për titullin e botës në WBO, në kategorinë super të mesme.
Në 12 raundet e zhvilluar, Saunders u tregua më i mirë se Shefat Isufi, duke fituar me vendim të jurisë pjesën më të madhe të raundeve. Isufi nw raundin e 6-të i dha një goditje shumë të rëndë kundërshtarit, por Saunders u ndihmua me këtë rast nga referi, duke i dhënë kohë që të rimarr vetën, ndërsa britaniku gjatë tërë ringut i ikte duelit me shqiptarin. Të njëjtën teknikë britaniku përdori edhe në raundet e fundit, pasi kishte kuptuar se ishte në epërsi ndaj Isufit, duke mos i dhënë mundësinë që e priste që me një goditje ta fitonte meçin.
Me këtë fitore Britaniku ka një bilanc prej 28 ndeshjeve pa asnjë humbje dhe asnjë barazim, ndërsa Isufi ka regjistruar 27 fitore, 4 humbje dhe 2 barazime përgjatë karrierës së tij si profesionist.
