Disa organizata të ndryshme joqeveritare dhe qytetare kanë bërë thirrje për protesta kundër vizitës së presidetit rus, Vladimir Putin, në Serbi.
Ata kanë thënë se kjo protestë është kundër glorifikimit që po i bëhet regjimit autoritar të Putinit në Serbi.
Këto organizata dhe shumë qytetarë thonë se kjo vizitë e Putinit dhe lavdet që po i bëhen nga mediat nxisin edhe më tepër rënien dhe dëmtimin e institucioneve demokratike, të drejtave dhe lirive të qytetarëve në Serbi.
Këto organizata i kanë kujtuar Putinit se në Rusi që nga viti 1992 deri në vitin 2019 janë vrarë 58 gazetarë, gjë që jep një alarm për perspektivën e medias në Serbi nëse e ndjek modelin e Rusisë së Putinit.
Gjithashtu këto OJQ kanë folur për financimet që Putini i bënë nëpër mediat e ndryshme në Serbi dhe nëpër organizata joqeveritare.
Sipas tyre kjo vizitë e Putinit nënkupton braktisje të rrugës së integrimit Euro-Atlantik të Serbisë.
“Edhe përkundër faktit se ekzekutivi serb e mohon, kjo vizitë do të thotë braktisje e reformave dhe i integrimit Euro-Atlantik”, thuhet ndër të tjera nga këto OJQ, shkruan televizioni N1.
