residenti amerikan Donald Trump nuk ka shpallur asnjë marrëveshje pas takimit të zhvilluar në Shtëpinë e Bardhë për të marrë një “vendim përfundimtar” lidhur me Iranin, ndërsa negociatat mbeten ende të hapura.
Takimi në “Situation Room” zgjati rreth dy orë dhe u përqendrua në një draft-marrëveshje që synon zgjatjen e armëpushimit dhe rifillimin e bisedimeve për programin bërthamor iranian. Megjithatë, në fund të diskutimeve nuk u njoftua asnjë vendim zyrtar.
Trump ka kërkuar që Irani të heqë dorë përgjithmonë nga armët bërthamore, të rihapë ngushticën e Hormuzit për lundrim të lirë dhe të lejojë eliminimin e uraniumit të pasuruar. Nga ana tjetër, zyrtarët iranianë kanë deklaruar se nuk është arritur ende një marrëveshje përfundimtare dhe se negociatat vazhdojnë.
Shtëpia e Bardhë ka theksuar se Trump do të miratojë vetëm një marrëveshje që përmbush “vijat e kuqe” të SHBA-së dhe garanton që Irani të mos ketë armë bërthamore.
