Mediat në Kosovë raportojnë se persona të paidentifikuar kanë dëmtuar sërish një pjesë të kanalit të Ibër–Lepencit, Zubin Potok.
Sipas të dhënave paraprake, struktura e këtij kanali të rëndësishëm është dëmtuar me mjete të forta.
Forca të shumta sigurie kanë shkuar në zonë dhe kanë nisur hetimet për identifikimin dhe kapjen e autorëve.
Kanali i Ibër-Lepencit u dëmtua edhe më 29 nëntor 2024, ku pranë tij ishte vendosur një sasi e madhe lënde shpërthyese.
Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën me rrethinë, si dhe Korporatën Energjetike të Kosovës për ftohjen e termoelektranave të saj.
