Gati dërgimi në Ruanda, i azilantëve dhe emigrantëve të paligjshëm

 438 total views,  1 views today

Qeveria e Ruandës ka hapur tre objekte ku do të akomodohen emigrantët dhe azilkërkuesit nga Britania.

Në një deklaratë për shtyp, zv/zëdhënësi i Qeverisë së Ruandës, Alain Mukurarinda, tha se janë duke u bërë përgatitjet për të pritur emigrantët dhe janë duke pritur për grupin e parë në fund të këtij muaji.

“Data e mbërritjes së emigrantëve të parë në Ruandë nuk dihet ende. Ne mendojmë se grupi i parë prej rreth 50 personash do të arrijë ndoshta në javët e ardhshme,” tha Mukurarinda.

Është bërë e ditur se emigrantët do të priten në rezidencat Hope Hostel, Desire Hotel dhe Hallmark.

“Ne mirëpresim të gjitha kategoritë e njerëzve, duke përfshirë familjet, beqarët dhe të moshuarit, si dhe emigrantët që kanë hyrë ilegalisht në Mbretërinë e Bashkuar dhe kjo është arsyeja pse ne kemi përgatitur ambiente të ndryshme për t’i mirëpritur ata”, tha Mukurarinda.

Duke u shprehur se nuk do të burgosin emigrantët por vetëm do t’i presin, Mukurarinda u shpreh se emigrantët kanë të drejtë të udhëtojnë.

“Emigrantët dhe azilkërkuesit do të kenë lirinë e lëvizjes ashtu si ruandasit”, tha Mukurarinda.

Sipas kontratës së nënshkruar me Britaninë e Madhe, emigrantët do të strehoheshin në ambiente për 5 vjet dhe më pas do të kenë të drejtë të aplikonin për azil.

Mbretëria e Bashkuar dhe Ruanda nënshkruan marrëveshjen e Partneritetit për Migracionin dhe Zhvillimin Ekonomik më 14 prill për të dërguar emigrantë të paligjshëm dhe azilkërkues në Mbretërinë e Bashkuar në Ruandë.