Të paktën 20 persona janë plagosur pas një aksidenti të rëndë me tramvaj në Berlin, Gjermani.
Pamje tronditëse tregojnë rrënojat e shkatërruara të tramvajit pasi ai doli nga shinat në zonën Neu-Hohenschönhausen.
Aksidenti ndodhi kur tramvaji u përplas me një shtyllë elektrike gjatë lëvizjes në rrugën Wartenberger Straße, pranë Arnimstraße.
Disa vagonë dolën nga shinat, por fatmirësisht asnjëri nuk u përmbys, gjë që mund të kishte sjellë pasoja edhe më fatale.
Më shumë se 50 zjarrfikës shkuan menjëherë në vendngjarje pasi u mor një thirrje emergjente në orën 9:29 të mëngjesit.
Shërbimet e emergjencës u përpoqën të shpëtonin pasagjerët e bllokuar në rrënojat e dëmtuara rëndë.
Tre persona janë plagosur rëndë, ndërsa 17 të tjerë kanë marrë lëndime të lehta. Gjithsej 12 persona janë dërguar në spital.
Drejtori i kompanisë së transportit publik të Berlinit, Henrik Falk, u shpreh i tronditur dhe tha se mendimet e tij janë me të plagosurit dhe pasagjerët.
Shkaku i aksidentit është ende nën hetim dhe nuk dihet nëse është gabim teknik, gabim njerëzor apo një emergjencë mjekësore e shoferit.
Zona është rrethuar nga policia për shkak të rrënojave, ku duken kabllo të hapura dhe metal i deformuar.
