Sulmuesi norvegjez Erling Haaland ka dalë në mbështetje të mikut të tij, Jude Bellingham, duke deklaruar se mesfushori anglez ka qenë objekt i kritikave të tepërta.
Haaland vlerësoi cilësitë e Bellinghamit, duke theksuar se ai mbetet një nga futbollistët më të mirë të brezit të tij dhe se presioni ndaj tij është i pashmangshëm për shkak të pritshmërive të larta.
Gjithashtu, ylli i Manchester City shprehu besimin se Anglia ka potencialin për të fituar Kupën e Botës. Sipas tij, kombëtarja angleze ka një skuadër me shumë cilësi dhe lojtarë të nivelit të lartë, të aftë për të shkuar deri në fund të turneut.
Komentet e Haaland vijnë në një periudhë kur Bellingham është përballur me kritika për paraqitjet e tij, megjithatë sulmuesi norvegjez beson se mesfushori do t’u përgjigjet në fushë dhe do të vazhdojë të dëshmojë vlerat e tij.
