Bota
Mes sfidave ekonomike dhe të sigurisë, Kina shënon 75 vjetorin e Partisë Komuniste
Kina po shënon 75-vjetorin e qeverisjes së Partisë Komuniste, ndërsa vendi vazhdon të përballet me sfidat ekonomike dhe kërcënimet e sigurisë.
Nuk pati njoftime për festime të martën, përveç një ceremonie të ngritjes së flamurit në sheshin Tiananmen.
Mediat tërësisht të kontrolluara nga shteti transmetuan raporte të vazhdueshme mbi përparimin ekonomik të Kinës dhe qëndrueshmërinë sociale, pa përmendur sfidat që variojnë nga rënia e lindjeve, deri tek ndërprerja në zinxhirët e furnizimit, që ka dëmtuar ekonominë e orientuar kryesisht nga eksportet.
Përkujtimore u mbajtën gjithashtu në ish-koloninë britanike të Hong Kongut dhe ish territorin e Portugalisë, Makao, që u vunë sërish nën sovranitetin kinez në fund të viteve 1990, si një tregues kyç i vendosmërisë së Pekinit për të kapërcyer atë që e ka konsideruar “Shekull të Poshtërimit”.
Përgjatë dekadave të fundit, Kina ka organizuar parada ushtarake dhe shfaqje të fuqisë ekonomike të vendit vetëm në fund të 10-vjeçarëve, si për 60-vjetorin dhe 70-vjetorin.
Ekonomia e dytë më e madhe në botë është përballur me vështirësi për t’u rimëkëmbur pas pandemisë COVID-19.
Rënia e interesit për pronat preku edhe pjesë të tjera të ekonomisë, nga ndërtimi tek shitjet e pajisjeve shtëpiake. Javën e kaluar, Kina njoftoi një sërë masash për të nxitur ekonominë, mes tyre, uljen e normave të interesit dhe zbutjen e kërkesave për të marrë kredi për shtëpi.
Që nga pandemia, udhëheqësi i partisë dhe kreu i shtetit Xi Jinping, kryesisht i ka shmangur udhëtimet jashtë shtetit ndërsa në politikën e brendshme, ka larguar zyrtarët e lartë të konsideruar si jo mjaftueshëm besnikë, ose të dyshuar për korrupsion.
“Rruga përpara nuk do të jetë e qetë, do të ketë vështirësi dhe pengesa dhe ne mund të hasim sprova të mëdha si erërat e forta dhe detet e trazuara, apo edhe dallgët e stuhishme”, paralajmëroi Presidenti Xi gjatë një banketi në prag të përvjetorit.
“Ne duhet të tregojmë vëmendje dhe kujdes të madh në kohë paqeje, të marrim masa dhe të mbështetemi ngushtë tek e gjithë partia, e gjithë ushtria dhe njerëzit e të gjitha grupeve etnike në të gjithë vendin”, tha ai, duke shtuar se “asnjë vështirësi nuk mund ta ndalë popullin kinez të ecë përpara”.
Ky përvjetor shënohet një kohë që Kina përballet me mosmarrëveshje në rritje me fqinjët, përfshirë Japoninë, Korenë e Jugut dhe Filipinet për shkak të pretendimeve territoriale dhe marrëdhënieve të tyre të ngushta me rivalin kryesor të Pekinit, Shtetet e Bashkuara.
Komunistët nën drejtimin e Mao Ce Dunit morën pushtetin në vitin 1949 pas një lufte civile me nacionalistët Kuomintang (KMT) të drejtuar nga Chiang Kai-shek, të cilët u larguan dhe e zhvendosën pushtetin ekonomik, politik dhe ushtarak në ishullin të vetëqeverisur të Tajvanit. /voa
Pekini vazhdon të këmbëngulë që Tajvani duhet të aneksohet dhe të jetë nën drejtimin e Partisë Komuniste, me forcë nëse është e nevojshme, ndërsa SHBA-ja ka siguruar armë për të bërë të mundësuar mbrojtjen e tij.
Kina, ndërkohë, është përfshirë në mosmarrëveshje lidhur me pretendimet e saj për pjesën më të madhe të Detit të Kinës Jugore dhe ishujve të pabanuar të kontrolluar nga Japonia, Filipinet, Vietnami dhe vendet e tjera fqinje.
Presidenti Xi e ka kthyer veten praktikisht në udhëheqës të përjetshëm të Kinës, duke i dhënë fund kufijve të mandatit dhe duke zgjeruar pushtetin e tij mbi organet kryesore qeveritare dhe partiake. Kina nuk lejon garë zgjedhore dhe partia ka pothuajse kontroll të plotë mbi mediat që informojnë 1.4 miliardë qytetarët e saj.
Policia holandeze njoftoi të enjten se gjatë festimeve të natës së Vitit të Ri është përballur me një valë dhune të paprecedentë. Oficerët e rendit u sulmuan me fishekzjarre dhe mjete shpërthyese, ndërsa incidente të shumta u regjistruan në qytete të ndryshme të vendit, duke përfshirë sulme ndaj policisë dhe zjarrfikësve.
Sipas BBC, në Amsterdam u përfshi nga flakët kisha historike Vondelkerk, e ndërtuar në vitin 1872 dhe e vendosur pranë parkut Vondelpark. Zjarri shpërtheu në orët e para të Vitit të Ri, duke shkaktuar shembjen e kullës 50 metra të lartë dhe dëmtime të rënda në çati. Autoritetet bëjnë të ditur se, megjithë dëmet, struktura e kishës pritet të mbetet e qëndrueshme.
Mediat lokale raportuan për dy viktima në Holandë si pasojë e incidenteve me fishekzjarre: një 17-vjeçar nga Nijmegen dhe një burrë 38-vjeçar nga Aalsmeer. Ndërkohë, në Rotterdam, spitali i specializuar për sëmundjet e syrit trajtoi 14 persona me lëndime të rënda okulare, mes tyre 10 të mitur, dhe dy pacientë iu nënshtruan ndërhyrjeve kirurgjikale.
Ngjarje të rënda u shënuan edhe në Gjermani, ku policia e qytetit Bielefeld konfirmoi se dy të rinj 18-vjeçarë humbën jetën pasi përdorën fishekzjarre të prodhuara artizanalisht.
Në qytetin jugor holandez Breda, forcat e policisë u sulmuan me bomba benzine. Kryetarja e Unionit të Policisë, Nine Kooiman, deklaroi se edhe vetë është goditur me fishekzjarre dhe eksplozivë gjatë shërbimit në Amsterdam, duke e cilësuar situatën si jashtëzakonisht të dhunshme dhe të paprecedentë.
Sipas Shoqatës Holandeze të Piroteknikës, shpenzimet për fishekzjarre këtë vit arritën në 129 milionë euro, shifër rekord. Autoritetet kanë bërë të ditur se ndalimi i fishekzjarreve jozyrtare pritet të hyjë në fuqi në vitin 2026.
Një shpërthim në një bar të quajtur Le Constellation në një bar skish në Zvicër, ka shkaktuar dhjetëra të vdekur dhe rreth 100 të plagosur, disa prej të cilëve janë në gjendje kritike.
Autoritetet po hetojnë për shkakun e zjarrit, i cili shpërtheu rreth orës 01:30.
Zjarri ka përfshirë një pjesë të madhe të lokalit dhe ka shkaktuar panik mes klientëve dhe punonjësve. Policia ka njoftuar se pas shpërthimit ka pasur shumë viktima, dhe disa kombësi janë të përfshira në këtë tragjedi.
Përhapja e zjarrit ka qenë e shpejtë dhe ka vështirësuar mundësitë e evakuimit. Dëshmitarët kanë raportuar për shpërthime të forta dhe shpërndarje të tymit të dendur.
Shkaku i zjarrit nuk është i qartë, por autoritetet fillimisht spekuluan për një shpërthim, ndërsa prokurori lokal ka theksuar se nuk ka dyshim që ky mund të jetë një akt i qëllimshëm.
Autoritetet zvicerane janë duke zhvilluar hetime për të zbuluar shkaqet e ngjarjes dhe për të identifikuar të gjithë viktimat dhe të plagosurit.
Një zjarr shkatërrimtar gjatë natës së Vitit të Ri në barin “Le Constellation” në restorant luksoz të skive Crans-Montana ka shkaktuar të paktën 47 viktima dhe 115 të plagosur, ndër të cilët janë edhe shumë shtetas italianë, disa prej të cilëve rezultojnë të zhdukur.
Shumica e të lënduarve janë të rinj, në moshat 16-26 vjeç.
Si shenjë nderimi për viktimat dhe solidariteti me familjet e tyre, qeveria zvicerane ka shpallur pesë ditë zie kombëtare, një vendim i jashtëzakonshëm për një tragjedi të këtij shkalle në vend.
Presidenti i Konfederatës Helvetike, Guy Parmelin, vizitoi vendin e ngjarjes dhe e cilësoi zjarrin si “një nga tragjeditë më të rënda që Zvicra ka përjetuar ndonjëherë”.
Ai premtoi se autoritetet do të bëjnë gjithçka për të zbardhur rrethanat e ngjarjes dhe për të parandaluar ngjarje të ngjashme në të ardhmen.
“Lutjet dhe mendimet tona janë me të gjithë të prekurit nga kjo tragjedi. Zvicra do të qëndrojë e bashkuar për të kuptuar se çfarë ka ndodhur dhe për të shmangur përsëritjen e një tragjedie të tillë”, tha Parmelin.
Ministri i Jashtëm italian, Antonio Tajani, konfirmoi se 12-15 shtetas italianë janë të shtruar në spitalet zvicerane, disa në gjendje të rëndë, ndërsa 16 italianë rezultojnë të zhdukur. Tre të plagosur rëndë do të transferohen në Milano për trajtim.
Komuniteti lokal ka vendosur lule dhe mesazhe ngushëllimi, ndërsa aktivitetet festive për Vitin e Ri janë anuluar.
Autoritetet paralajmërojnë se procesi i identifikimit të viktimave dhe trajtimi i të plagosurve do të zgjasë javë, ndërsa pesë ditët e zie janë një shenjë respekti dhe reflektimi kombëtar.
Aksident në aksin Peqin–Rrogozhinë, tre të plagosur dërgohen në spital
Aksident i fortë në Lushnjë, përfshihet familja me katër persona, makina u rrotullua disa herë
Qipro merr presidencën e BE-së, 2026-ta vit vendimtar për Shqipërinë
Çfarë është depresioni i Janarit dhe si ta trajtojmë?
Përgjaket 2026, 3 të rinj humbin jetën në një aksident tragjik në Tepelenë
Hyn në fuqi “paqja fiskale”, falen detyrimet tatimore e doganorë për bizneset
Nga sot paga minimale 50 mijë lekë, hyri në fuqi edhe rritja e pensioneve, afro 760 mijë përfitues
Kaos dhe dhunë në Holandë gjatë Vitit të Ri, viktima dhe të plagosur nga fishekzjarret
Dhjetëra njerëz të vdekur nga shpërthimi në Zvicër (video momentit te shperthimit)
Shenjat e zodiakut që bëhen më të bukura ndërsa plaken
Zakonet e vitit të ri nëpër botë, pse rumunët vishen si arinj dhe danezët thyejnë pjatat?
Tragjedia me 47 viktima, qeveria zvicerane shpall pesë ditë zije
Zohran Mamdani merr zyrtarisht postin si kryebashkiak i New Yorkut
Papa Leoni XIV nis Vitin e Ri me meshë solemne
Sigurimi i automjeteve/ Nga 2026 hyn në fuqi historiku i aksidenteve, sa do paguajnë qytetarët
“Wizz Air” le në mëshirë të fatit pasagjerët e linjës Londër-Tiranë
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Britania marrëveshje me Angolën dhe Namibinë për kthimin e emigrantëve
Emigrantët kthehen, por Shqipëria nuk i mban
Këta janë 10 kandidatët më të votuar në Vetëvendosjes
-
Albania1 day ago“Wizz Air” le në mëshirë të fatit pasagjerët e linjës Londër-Tiranë
-
UK3 days agoFOTO/ Nëna me dy fëmijët humbën jetën në një zjarr tragjik në Angli
-
Albania4 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania5 days ago
Shqiptari në Britani shpëton nga deportimi pasi “partnerja nuk i flet shqip”
-
UK1 day agoVizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
-
UK5 days ago
Rrëzohet aeroplani në Britani, alarm në aeroportin Southend në Londër
-
Sports3 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK2 days agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë