Tyson Fury ka njoftuar tërheqjen nga boksi sërish. Ky vendim vjen pas humbjes së dytë ndaj ukrainasit Usyk.
Fury deklaroi në videon e postuar: “Përshëndetje të gjithëve. Do ta them shkurt, dua të njoftoj tërheqjen nga boksi, kam dashuruar çdo minutë të tij. Do i jap fund kësaj, Dik Turpin ka veshur një maskë. Zoti ju bekoftë të gjithëve, do t’ju shoh në anën tjetër”.
Një mesazh i koduar ky në fund. Fury nuk ishte dakord në ndeshjen e fundit ku u vendos unanimisht, që Usyk të fitonte sërish përballë tij.
Fury edhe më parë tha se e kishte mbyllur me sportin pasi mundi Dillian Whyte në 2022, po u rikthye sërish në fund të atij viti.
Deklarata e dorëheqjes së tij vjen mes spekulimeve për ndeshjet e planifikuara për Fury më vonë këtë vit, pas humbjes së tij në revansh ndaj kampionit botëror në peshën e rëndë Oleksandr Usyk në dhjetor.
Vetëm dy ditë më parë, Sky Sports News raportoi se Wembley ishte rezervuar për Fury për të luftuar Anthony Joshua në verë.
Duke raportuar mbi njoftimin e papritur, korrespondenti sportiv i Sky News, Rob Harris tha: “Fury ka njoftuar tërheqjen e tij në të kaluarën, në vitin 2022, ai u josh nga pensioni në atë kohë, kështu që a është ky me të vërtetë fundi për Tyson Fury në moshën 36-vjeçare?”.
“Nëse është kështu, ai ka pasur një nga karrierat e mëdha britanike të boksit të peshave të rënda, por kujtojmë që ai shpesh i bën këto njoftime, pastaj vendos se nuk mund t’i rezistojë joshjes së ringut”.
Ai shtoi se luftimet si humbja e Fury ndaj Usyk ishin “shumë fitimprurëse… kështu që ndoshta financat e bëjnë atë shumë të pamundur për të mos u kthyer sërish në ring”.
