Tetë të vdekur dhe afro 30 të plagosur, mes të cilëve edhe 3 zjarrfikës, është bilanci i një zjarri të rënë në një ndërtesë banimi në periferinë jugperëndimore të Parisit.
Numri i viktimave mund të rritet, thonë zyrtarë të shërbimit zjarrfikës, pasi operacionet e shpëtimit janë ende në vijim e sipër në katet e sipërme të ndërtesës 8-katëshe.
Ende nuk është e qartë se çfarë e shkaktoi zjarrin. Megjithatë, një femër është ndaluar nga policia si e dyshuar. Prokurori i Parisit, Remi Heitz tha se zjarri mund të jetë vënë qëllimisht.
Flakët u përhapën në dy kate, natën mes së hënës dhe së martës, duke detyruar banorët të kalonin mbi çatitë më të afërta për të shpëtuar.
