Izraeli nuk ka regjistruar asnjë vdekje të re ditore Covid-19 për herë të parë në 10 muaj, ndërsa vendi shtyn përpara me vaksinimin e shpejtë.
Numri i të vdekurve nga koronavirusi i vendit mbeti i pandryshuar në 6,346 të enjten, treguan të dhënat e Ministrisë së Shëndetësisë, shkruan BBC.
Hera e fundit që Izraeli raportoi vdekje zero nga COVID-19 ishte në fund të qershorit të vitit të kaluar, pasi masat e bllokimit frenuan një valë të parë të infeksioneve.
Përhapja e virusit në Izrael është lehtësuar pasi arriti kulmin në janar të këtij viti.
Qeveria izraelite filloi të zbusë kufizimet e bllokimit një muaj më vonë pasi vaksinat kundër COVID-19 u përhapën më gjerësisht.
Izraeli ka shkallën më të lartë të vaksinimit në botë. Të enjten, vendi arriti momentin historik prej pesë milion vaksinash COVID-19.
Ministria e Shëndetësisë tha se mbi 53 për qind e popullsisë prej rreth nëntë milionë banorësh tashmë i kanë marrë dy dozat e vaksinës kundër Covid-19.
