Kryeministri britanik Boris Johnson dhe e fejuara e tij Carrie Symonds u martuan të shtunën në një ceremoni të vogël private në Londër, raportuan gazetat në Britani.
Zyra e Johnsonit nuk pranoi të komentonte raportet e “Mail on Sunday” dhe “The Sun” që çifti u martuan në katedralen katolike romake Westminster përpara një grupi të vogël të miqve dhe familjes.
“The Sun” shkroi se stafi i lartë në zyrën e Johnsonit nuk ishin në dijeni të planit të dasmës.
Nën kufizimet aktuale të koronavirusit në Angli, në dasma mund të marrin pjesë maksimumi 30 persona.
Johnson, 56-vjeçar, dhe 33-vjeçarja Symonds, një aktiviste mjedisore, njoftuan fejesën e tyre në shkurt 2020 dhe kanë një djalë së bashku, Wilfred 1 vjeç.
Martesa do të ishte e para e Symondsit dhe e treta për Johnsonin. Ai ka të paktën pesë fëmijë të tjerë nga marrëdhëniet e mëparshme.
Kryeministri i fundit britanik që u martua në detyrë ishte Lord Liverpool në vitin 1822.
