Heqja e aboneve për transportin publik në Tiranë ka sjellë mjaft zemërim në opinionin publik. Kjo për shkak se kjo është një tjetër taksë e rëndë mbi shpinën e tyre.
Për këtë arsye, sot në orën 18:00 është paralajmëruar një protestë për refuzimin e biletës pranë Bashkisë së Tiranës. Qytetarët pritet të kërkojnë rikthimin e aboneve.
Ndërkohë gazetari Klodian Tomorri ka ironizuar me justifikimin e dhënë nga Bashkia e Tiranës për heqjen e aboneve.
“Justifikimi i Bashkisë së Tiranës për heqjen e aboneve është një kryevepër botërore që vetëm Lali mund ta bëjë.
“I hoqëm abonetë se kishim ankesa nga qytetarët”- thotë Bashkia.
Dmth qytetarët u ankuan se abonetë ishin lirë dhe donin që të paguanin më shumë për urbanët,” shkruan ai.
