Kreu i PD-së Lulzim Basha, ka hedhur votën e tij në kuti në selinë qendrore në Tiranë, për kryetarin e ri të Partisë Demokratike.
Pasi hodhi votën në kuti, Basha u shpreh se beteja do të vazhdojë deri në përmbysjen e regjimit Rama-Doshi.
“Dua të falenderoj të gjithë demokratet dhe demokratët anë e mbanë Shqipërisë. Po kështu të gjithë ata që janë kujdestarë të procesit, në këtë proces unik të vlerave tona, të vlerave të demokratëve, procesit të zgjedhjes me një anëtar një votë të kryetarit të Partisë Demokratike.
Këto janë vlerat tona, janë vlerat e demokracisë, janë vlerat e shprehjes së lirë, janë vlerat e konkurrencës dhe vlerat e debatit. Me këto vlera e kemi nisur betejën për ndryshimin, për Shqipërinë dhe për shqiptarët do ta çojmë deri në fund, deri në përmbysjen e regjimit Rama-Doshi“, tha Basha.
