Më datë 09.01.2020 është depozituar në prokurorinë e Përgjithshme kërkesa e Partisë demokratike për verifikimin e pastërtisë së figurës së kryetarit të bashkisë Malakastër.
Prokuroria e përgjithshme pas shqyrtimit dhe verifikimit për Qerim Ismailaj ka konstatuar se Qerim Ismailaj dyshohet se ka qenë i arrestuar në Greqi në periudhën 1999-2000 dhe në të njëjtën periudhë ndaj tij është marrë masa e dënimit dhe dëbimit nga autoritetet përgjegjëse greke. Në formularin e vetë-deklarimit, Ismailaj ka deklaruar se ka jetuar për 5 vite në Greqi, por nuk ka deklaruar asnjë problem me drejtësinë greke.
Në shkresën e Prokurorisë thuhet se zyra kombëtare e Interpolit në Athinë ka informuar se gjurmës e gishtave janë krahasuar dhe kanë rezultuar të panjohura ën abzën e tyre të të dhënave.
Ky shtetas është dënuar në mungesë me 3 vjet burgim për konflikt/grindje të ndodhur në vitin 1998 në ishullin Mitilini, ku janë përfshirë disa shtetas shqiptarë, disa të arrestuar për plagosje. Qerim Ismailaj nuk është arrestuar për arsye se është shtruar në spital si pasojë e plagëve të marra në trup. Megjithatë ai është dëbuar si i përfshirë në këtë incident./Ora News/
