SHBA thotë se më shumë se 1.7 milionë emigrantë janë arrestuar përgjatë kufirit të saj me Meksikën në 12 muajt e fundit – numri më i lartë i regjistruar ndonjëherë.
Më shumë se një milion prej tyre u dëbuan në Meksikë ose vendet e tyre të lindjes, sipas të dhënave nga Dogana e SHBA-së dhe Mbrojtja e Kufirit.
Agjentët kapën njerëz nga më shumë se 160 vende.
Popullariteti i presidentit Joe Biden në sondazhet e opinionit ka rënë, pjesërisht si rezultat i politikës së tij të imigracionit.
Vetëm 35% e amerikanëve thanë se e miratojnë trajtimin e Bidenit për imigracionin, në një anketë të Associated Press dhe Qendra për Kërkimin e Çështjeve Publike në fillim të këtij muaji.
Bideni premtoi një politikë më humane imigracioni se paraardhësi i tij Donald Trump, por kufiri SHBA-Meksikë është përfshirë në krizë për pjesën më të madhe të presidencës nëntë mujore të demokratit.
