Kryetari i PD-së Lulzim Basha deklaroi sot se lufta kundër korrupsionit është jetike për Shqipërinë.
Ndërsa publikoi videon e vitit 2017, Basha shprehet se “koha në dha të drejtë! Lufta kundër korrupsionit është jetike për Shqipërinë, pa rezultate konkrete kundër këtij armiku të mirëqenies së qytetarëve asgjë nuk mund të ndryshojë”.
“Projektet e inceneratorëve, janë zbuluar si projekte dhe afera korruptive dhe kriminale. Pse e themi këtë? Për momentin ka 3 inceneratorë, apo projekte për inceneratorë, është ai i Elbasanit, është ai i Fierit dhe ai i Tiranës. Mediet kanë zbuluar tashmë dhe kanë vënë në dispozicion edhe dokumentet para publikut, sepse të treja kontrollohen nga i njëjti person, i cili shërben si figurim për të fshehur pronarët e vërtetë. Ndaj, thirrja ime është ndaj Kontrollit të Lartë të Shtetit dhe Prokurorisë, të nis menjëherë hetimin dhe të vërë pikat mbi i për ata të cilët po dëmtojnë shtetin publik të shqiptarëve nga njëra anë dhe po grabisin fondet shtetërore, fondet e taksapaguesve shqiptarë nga ana tjetër”, u shpreh Basha.
