Kryetari i LSDM-së dhe mandatari, Dimitar Kovaçevski tha se qeveria e re ka qëllim të qartë, jetë më të mirë dhe të ardhme më të ndritur për qytetarët.
“Paralajmëroj fokus të fuqishëm në zhvillimin ekonomik të vendit dhe mbështetje financiare për familjet”, tha sot kryetari i LSDM-së, Dimitar Kovaçevski.
Ai pas marrjes së mandatit nga Pendarovski tha se tani fillon formimi i qeverisë së re për qeverisje efikase, të ndershme dhe të përgjegjshme.
“Qeverisja efikase, e ndershme dhe e përgjegjshme do të jetë tipari i ekipit tim. Angazhimi im do të jetë në kthimin e besimit të qytetarëve në politikë dhe institucione”, tha mes tjerash Kovaçevski.
