Mercedesi ka shpalosur një koncept të ri të veturës elektrike për të cilin kompania thotë se mund të ecën deri 1000 kilometra distancë me një mbushje të vetme. Vetura luksoze futuristike përbëhet nga materiale të riciklueshme, përfshirë fibrat e kërpudhave, kaktuse dhe mbetje tjera ushqimore.
Deklarimi i Mercedesit për distancën që mund ta bëjë vetura është i bazuar në testime kompjuterike dhe jo në rrugë, sipas kompanisë. Nëse kjo qëndron, modeli EQXX mund të ecën më shumë se një veturë Toyota Prius hibrid me mbushje të plotë të rezervuarit.
Mercedesi planifikon ta demonstrojë këtë në pranverë.
Kompania ka thënë se synon që gjysmën e shitjeve të veturave ta ketë me vetura elektrike deri më 2025, dhe deri më 2030 të jetë mjaftueshëm i gatshëm për të kaluar në “tërësisht elektrike”.
EQXX ka pako të baterisë 30 për qind më të lehtë se modeli i shkuar EQS. Kompania ka thënë se e ka dizajnuar veturën që të jetë sa më e lehtë që të jetë e mundshme. Pos baterisë më të lehtë, EQXX ka rrota të përbëra nga magnezi dhe frerë nga alumini. Një material i quajtur UBQ, i përbërë nga plastika, kartoni, mbeturinat e kopshtit dhe pelenat, është përbërës i shumë pjesëve brenda veturës. Panelet solare në kulm përkrahim energjinë për kondicionerë, drita dhe ekranet e brendshme.
Pos kësaj, EQXX përmban materiale të veçanta edhe në pjesët tjera të veturës. Një material i ngjashëm me lëkurë, i përbërë nga strukturat nëntokësore të kërpudhave, është pjesë e ulëseve. Një tjetër zëvendësues i lëkurës përbëhet nga fibrat e pluhurosura të kaktusit. Tapetet përbëhen nga fibra bambuje.
Vetura planifikohet të hyjë në prodhim në vitin 2024.
