Avioni i skuadrës së Manchester City u detyrua të sillet rreth e rrotull dhe të ulej në Liverpul të mërkurën duke u kthyer nga Portugalia, për shkak të erërave të forta që ia bënë të pamundur zbritjen në Mançester.
City po kthehej në Angli pas fitores 5:0 kundër Sporting Lisbone në takimin e parë të 1/8 së finales në Ligën e Kampionëve një natë më herët.
Megjithatë, pasi kishte mbërritur në qiellin e Mançesterit, aeroplani i skuadrës u detyrua të rrotullohej mbi qytet dhe të kërkonte ulje emergjente në Aeroportin John Lennon në Liverpul.
Pamje ta publikuara nga kjo ngjarje shfaqin aeroplanin duke u shkundur nga erërat e forta.
Për shkak të erërave shumë të forta dhe turbulencave, ulja në Mançester ishte e pamundur.
City njoftoi se aeroplani i skuadrës kishte zbritur në mënyrë të sigurt në Liverpul.
