Një raketë ruse goditi një ndërtesë banimi në Kiev. Ky lajm u raportua në kanalin “Telegram” të Shërbimit Shtetëror të Emergjencave ukrainase (KSCA).
“Një raketë goditi një ndërtesë banimi në rrugën Lobanovsky 6a. Shërbimet e urgjencës po punojnë në vend”, thuhet në raportim.
Sipas Shërbimit Shtetëror të Emergjencave të Ukrainës, predha është goditur në zonën e katit 17-18.
Një evakuim është duke u zhvilluar. Nga Shërbimi Shtetëror i Urgjencës u përfshinë 12 persona dhe 3 njësi teknologjike. Në raportimet paraprake bëhet me dije se fatkeqësisht, ka viktima.
“Kievi, qyteti ynë i mrekullueshëm dhe paqësor, i mbijetoi një natë tjetër nën sulmet nga raketat e forcave tokësore ruse. Njëra prej tyre ka goditur një apartament banimi në Kiev”, shkruan ministri i Jashtëm ukrainas, Dmytro Kuleba.
Ndërsa Andriy Yurash, Ambasadori i Jashtëzakonshëm dhe Fuqiplotë i Ukrainës në Vatikan reagoi në Facebook pas incidentit të rëndë.
“Një tjetër krim i fundit i agresorit: një raketë goditi shtëpinë në Solomenka! Hagë, përgatit pranga për kriminelët e luftës!”, shkruan ai.
