Ushtria e Ukrainës ka pohuar se forcat ruse mbeten të pasuksesshme në drejtimet ku po përparojnë dhe se qyteti jugor i Mariupolit mbetet në duart e Ukrainës.
Mariupol, i cili ka përjetuar bombardime intensive, shihet si një pikë kyçe për rusët, pasi do të bashkonte forcat e tyre në jug dhe në lindje.
Sipas deklaratës ushtarake, forcat ruse kanë vazhduar sulmet e tyre në zonat afër kryeqytetit Kiev, Vyshgorod, Fastiv dhe Obukhiv, me më shumë kampe fushore ruse të vëzhguara edhe në zona të tjera.
Në deklaratë thuhet se parashutistët rusë janë vëzhguar në rajonin e Detit të Zi së bashku me anije me raketa, duke u drejtuar në drejtim të qytetit port jugor të Odesës.
Ndërkohë forcat pro-ruse mund të nisin sulme në qytetin ukrainas të Mariupol, nëse forcat ukrainase atje nuk dorëzohen, citoi agjencia e lajmeve Interfax komandantin separatist të Donetsk, Eduard Basurin.
Rusia dhe separatistët thonë se kanë rrethuar qytetin me 430,000 banorë që ndodhet në bregun e Detit Azov.
