Një raund i ri bisedimesh midis Ukrainës dhe Rusisë mbi eksportet e grurit nga Ukraina do të zhvillohet të mërkurën në Stamboll të Turqisë.
Kështu siç shkruan Sky News, përcjell Telegrafi, ka raportuar agjencia ruse e lajmeve Interfax, duke cituar ministrinë e jashtme ruse.
Lufta në Ukrainë ka bllokuar rreth 22 milionë tonë drithë brenda Ukrainës, sipas presidentit Volodymyr Zelensky, një krizë në rritje për vendin e njohur si “shporta e bukës së Evropës”.
Përpara fillimit të agresionit rus, Ukraina mund të eksportonte gjashtë deri në shtatë milionë tonë drithë në muaj, por në qershor ajo dërgoi vetëm 2.2 milionë, sipas Shoqatës së Grurit të Ukrainës.
Organizata e OKB-së për Ushqimin dhe Bujqësinë thotë se lufta po rrezikon furnizimet ushqimore për shumë vende në zhvillim dhe mund të përkeqësojë gjendjen e urisë për deri në 181 milionë njerëz.
