SHBA bëri të ditur se ka vrarë liderin e Al Kaedës, Ayman al-Zawahiri. Presidenti Joe Biden tha se shefi i Al Kaedës u vra në një sulm me dron në Afganistan. Operacioni u krye nga CIA, ndërsa Zawahiri u qëllua me dy raketa teksa ishte në ballkon. Anëtarë të tjerë të familjes ishin të pranishëm, por ata nuk u lënduan
BBC
Ayman al-Zawahiri ishte truri ideologjik i Al Kaedës.
Një mjek egjiptian, që u burgos në vitet ’80 për përfshirjen e tij në Islamin militant, ai u largua nga vendi pas lirimit dhe u përfshi në lëvizje të dhunshme xhihadiste ndërkombëtare.
Përfundimisht u vendos në Afganistan dhe bashkoi forcat me një saudit të pasur, Osama Bin Laden. Së bashku i shpallën luftë SHBA-së dhe organizuan sulmet e 11 shtatorit 2001.
U desh një dekadë që Bin Laden të gjurmohej dhe të vritej nga SHBA.
Pas kësaj, Zawahiri mori drejtimin e Al Kadës, por ai u bë një figurë e largët dhe margjinale, duke lëshuar vetëm mesazhe herë pas here.
Shtetet e Bashkuara do të shpallin vdekjen e tij si një fitore, veçanërisht pas tërheqjes kaotike nga Afganistani vitin e kaluar, por Zawahiri pati një ndikim relativisht të vogël, pasi grupet dhe lëvizjet e reja si Shteti Islamik janë bërë gjithnjë e me më ndikim.
Një lider i ri i Al Kaedës pa dyshim që do të shfaqet, por ai ka të ngjarë të ketë edhe më pak ndikim se paraardhësi i tij.
