Këngëtarja Lisa Marie Presley, vajza e vetme e mitit të rokut Elvis Presley, është shtruar në gjendje të rëndë pas një arresti kardiak.
Artistja dhe filantropistja 54-vjeçare, autore e tre albumeve të vlerësuar nga kritika, vetëm pak ditë më parë ishte e pranishme në ceremoninë e Golden Globe me të ëmën Priscilla.
Sipas burimeve të mediave amerikane, personeli mjekësor arriti të rikthejë rrahjet e zemrës, por situata është ende në monitorim.
Lisa Presley është trashëgimtarja e vetme e Elvis Presley, dhe është martuar 4 herë, ndër to edhe me yllin e pop-it Michael Jackson dhe shkurtimisht edhe me atë të Hollivudit Nicolas Cage.
