Ish-sekretarja e Brendshme e Britanisë së Madhe, Priti Patel, ka “kërcënuar” me padi ligjore pasuesen e saj, Suella Braverman, pasi kjo e fundit akuzoi se Patel kishte shkaktuar mbipopullim qendrën e azlit në Manston.
Siç raporton The Independent, Patel ka telefonuar sekretarin e kabinetit Simon Case dhe ka kërkuar që pretendimet e shprehura nga ana e Braverman të tërhiqen, ose në të kundërt do të fillonte veprimet ligjore për shpifje.
Një burim i tha gazetës se “Priti punonte gjatë gjithë kohës kur ishte sekretare e shtëpisë për të trajtuar këtë problem dhe shpërtheu kur iu tha se rekordi i saj po kritikohej. Simon Case duhej ta qetësonte atë.”
Burimet qeveritare kishin ifnormuar negativisht në kohën kur Priti Patel shërbente si Sekretare e Brendshme e qeverisë britanike.
Megjithëse nuk pati asnjë kritikë publike nga Braverman, ministri i imigracionit Robert Jenrick u tha deputetëve se ai e kishte trashëguar problemin pasi “u sigurua strehim i pamjaftueshëm gjatë një periudhe të qëndrueshme” nga Zyra e Brendshme.
Patel e mohon këtë pretendim. Aleatët e saj kanë bërë të ditur më parë se ajo kishte rezervuar dhoma hoteli për azilkërkuesit ndërsa ishte në krye të Ministrisë së Brendshme – duke ngritur pyetjen se pse praktika u ndërpre kur Braverman mori detyrën në shtator.
Aleatët e ish-sekretares së brendshme kanë mbrojtur reformat e saj të imigracionit dhe thonë se qeveria e Rishi Sunak nuk ka arritur të zbatojë siç duhet Aktin e Kombësisë dhe Kufijve.
Kjo vjen pasi ekipi i Braverman tha se ata ishin optimistë se mund të deportonin emigrantët në Ruandë “para verës”.
