Belind Këlliçi është i ashpër me të gjithë ata në PD-në zyrtare që kontribuan në përçarjen e mëtejme të opozitës, duke bërë që ajo të dalë me 2 kandidatë në zgjedhje.
Gjatë intervistës në emisionin “Pa Censurë”, ai shkon edhe më tej, kur thotë gati hapur se kandidati Roland Bejko, ishte produkt i blerjes së PD zyrtare nga Erion Veliaj.
“Axhenda e tyre i shërbeu një mandati të tretë të Erion Veliajt. Në politikë nuk ka të bëjë vetëm aritmetika, por edhe fryma. Nëse do të kishim vetëm një kandidat, do të kishte një frymë tjetër. Në Tiranë, për shkak se është Erion Veliaj, këtu dhe paguan shumë Erion Veliaj, është bërë gjithçka që të dilet me dy kandidatë dhe të krijohet kjo frakturë.”- tha Këlliçi për emisionin “Pa Censurë”.
I pyetur nga gazetarja Elona Meço nëse është paguar për të nxjerrë kandidat, ai tha: “Në Tiranë është bërë gjithçka për të siguruar mandatin e tretë të Erion Veliajt. Kjo nga pjesë të caktuara, se jo të gjithë i fus “në një thes”, segmente të caktuara. PD zyrtare doli me një kandait në Tiranë për t’i lehtësuar mandatin e tretë Erion Veliajt”- tha zoti Këlliçi.
Për rishfaqjen e Lulzim Bashës, ai nuk do që të komentojë me idenë se Basha nuk ka ikur kurrë.
“Si mund të pranojë të ketë emrin në gjykatë si kryetar i PD, kur del para qytetarëve dhe them se nuk jam më kryetar. Mendoj se të gjithë këtë situatë në PD e ka orkestruar dhe ushqyer më së miri Edi Rama, dhe konflikti ynë i brendshëm i shërben Edi Ramës dhe kjo ështe fatkqësi për vendin.”- u shpreh Belind Këlliçi
