Dhjetë avionë kinezë fluturuan mbi hapësirën ajrore të Tajvanit ditën e sotme duke bërë që tensionet mes dy vendeve të jenë në rritje.
Nga ana tjetër, Tajvani alokoi anije dhe sisteme raketore për të mbajtur nën vëzhgim avionët kinezë të pasi u konstatua se 10 avionë luftarakë kinezë përshkuan hapësirën e vendit ishullor.
Ministria e Mbrojtjes tha se katër anije luftarake kineze kryen po ashtu patrulla luftarake.
Kjo është hera e dytë në më pak se një javë që Tajvani raporton lëvizjet e ushtrisë kineze teksa vetëm para pak ditësh 37 avionë ushtarakë kinezë fluturuan mbi zonat ushtarake të Tajvanit disa prej të cilëve më pas fluturuan për në Paqësor.
Kina, e cila e sheh Tajvanin si territorin e saj, ka kryer fluturime të rregullta ushtarake pranë ishullit gjatë tre viteve të fundit.
Megjithatë, forcat ajrore nuk kanë hyrë në hapësirën territoriale të Tajvanit.
Në një deklaratë të shkurtër, ministria e mbrojtjes e Tajvanit tha se kishte zbuluar 24 avionë të forcave ajrore kineze, duke përfshirë J-10, J-11, J-16 dhe Su-30, si. si dhe bombarduesit H-6.
Gjithashtu, katër anije detare kineze kryen “patrulla të përbashkëta të gatishmërisë luftarake”, transmeton Al Jazeera.
Nga ana e saj, Ministria e Mbrojtjes së Kinës nuk reagoi menjëherë por lëvizje të tilla ushtarake Pekini i ka cilësuar si misione për të mbrojtur sovranitetin e vendit.
