Arda Güler është një nga blerjet e kësaj vere të Real Madrid. Tifozët mezi presin të shikojnë talentin turk në fushë dhe miqësorja ndaj Milanit ishte një rast i mirë, por 18-vjeçari nuk luajti asnjë minutë.
Pas ndeshjes, lojtarët madrilenë zhvilluan stërvitjen e radhës, por sërish Arda nuk iu bashkua shokëve.
Në këtë mënyrë, duket e vështirë që talenti i ri të debutojë në 27 korrik, në miqësoren e radhës së Realit ndaj Manchester United.
Sipas mediave sportive spanjolle, Arda Güler ka një dëmtim të vogël në këmbën e djathtë dhe po trajtohet nga mjekët e klubit, ndërsa të vetmet ushtrime që bën, i realizon në palestër.
