Temperatura rekord u regjistrua të martën në provincën qendrore të Anadollit, Eskisehir, shkroi ministri i Mjedisit Mehmet Ozhaseki në platformën e mediave sociale X, dikur Twitter. Rekordi i mëparshëm ishte 49.1C në vitin 2021.
Turqia ka raportuar një temperaturë rekord prej 49.5 gradë Celsius, ndërsa ekspertët paralajmërojnë se një tendencë e valëve të të nxehtit në pellgun e Mesdheut do të qëndrojë deri në vitet 2040.
Temperatura rekord u regjistrua të martën në provincën qendrore të Anadollit, Eskisehir, shkroi ministri i Mjedisit Mehmet Ozhaseki në platformën e mediave sociale X, dikur Twitter. Rekordi i mëparshëm ishte 49.1C në vitin 2021.
Shërbimi kombëtar i motit i Turqisë paralajmëroi të mërkurën se vala e të nxehtit do të vazhdojë të tejkalojë temperaturat normale sezonale deri në 11 gradë Celsius.
Arsyeja kryesore pas rekordeve të nxehtësisë është ndryshimi i klimës, sipas Baris Onol, një profesor meteorologjie në Universitetin Teknik të Stambollit.
Edhe pse El Nino sjell edhe rekorde temperaturash, valët e të nxehtit janë bërë më të shpeshta dhe zgjasin më shumë, tha Onol për DPA, shkruajnë mediat e huaja.
“Turqia do të jetë shumë më e ekspozuar ndaj temperaturave të larta brenda 30-40 viteve të ardhshme si pjesa tjetër e rajonit të Mesdheut”, tha ai.
Sezoni i pikut të turizmit në rajonin e Mesdheut do të zhvendoset në shtator dhe tetor nga viti 2040, parashikoi Onol. Po kështu, menaxhimi i ujit do të jetë kyç për rajonin, tha ai, duke parashikuar thatësirën për muajt e verës në vitet në vijim.
